له كتێبی (ئاو و ئاور)ی هێمن خورشید-ه‌وه
مرۆڤه‌كان هاوشێوه‌ی كتێبه‌كانن
هه‌ندێ له مرۆڤه‌كان به‌رگی زێڕین ده‌پۆشن، هه‌ندێ به‌رگی ئه‌ستوور و جگێكیشیان به‌رگی ته‌نك.
هه‌ندێ له مرۆڤه‌كان به كاغه‌زی زه‌ردی ناسك چاپده‌كرێن و هه‌ندێكیشیان به كاغه‌زی سپیی گه‌وره.
هه‌ندێ له مرۆڤه‌كان وه‌رگێردڕاون، هه‌ندێكیان چاپی تازه ده‌كرێنه‌وه و جگێكیشیان كۆپیی مرۆڤه‌كانی ترن.
هه‌ندێ له مرۆڤه‌كان به پیتی ڕه‌ش و سپی چاپده‌كرێن و جگێكیان لاپه‌ڕه‌كانیان ڕه‌نگاوڕه‌نگه.
هه‌ندێ له مرۆڤه‌كان تیراژیان هه‌یه و له نێوچاوانی هه‌ندێكیان نووسراوه مافی چاپی پارێزراوه.
هه‌ندێ له مرۆڤه‌كان نرخیان له‌سه‌ر به‌رگه‌كانیان دیاریكراوه، تیایاندایه به نرخی چه‌ند له‌سه‌د داشكاندن دێنه فرۆش. جگێکیشیان دوای فرۆشتن هه‌رگیز وه‌رناگیرێنه‌وه.
هه‌ندێ له مرۆڤه‌كان ده‌بێت به‌رگیان تێبگیرێت، جگێكیان ده‌شێت بخرێنه گیرفانه‌وه و، هه‌ندێكی تریان جێگه‌یان نێو جانتای قوتابخانه‌یه.
هه‌ندێ له مرۆڤه‌كان (شانۆنامه)ن و هه‌ندێكیان (زانیاریی گشتی)ن.
هه‌ندێ له مرۆڤه‌كان چه‌ند دێڕێكیان لێپه‌ڕیوه و جگێكیشیان هه‌ڵه‌ی چاپیان زۆر تێدایه.
له ڕووی هه‌ندێك له مرۆڤه‌كانه‌وه ده‌بێت ڕاهێنان بنووسرێته‌وه و له هه‌ندێكی تریانه‌وه ڕق و تاوان.
هه‌ندێ له مرۆڤه‌كان پێویسته چه‌ند جارێك بیانخوێنیته‌وه تا بتوانیت لێیان تێبگه‌یت، جگێكیشیان به‌بێ خوێندنه‌وه‌ش ئاشكران.
هه‌ندێ له مرۆڤه‌كان تایبه‌تن به لاوان و، جگێكیشیان به ئه‌ختیاران، ئه‌وانه‌یان وا تایبه‌تی گه‌نجه‌كانن، زۆر ساده و مناڵانه‌ن.
كتێبه‌كان هاوشێوه‌ی مرۆڤه‌كانن
هه‌ندێ له كتێبه‌كان جلی ساده ده‌پۆشن و هه‌ندێكیشیان جلوبه‌رگی ئاڵوواڵا.
هه‌ندێ له كتێبه‌كان چیرۆكمان بۆ ده‌گێڕنه‌وه تا خه‌ومان لێبكه‌وێت، هه‌ندێكیشیان چیرۆكمان بۆ ده‌ڵێن تا بێدارببینه‌وه.
هه‌ندێ له كتێبه‌كان ته‌نبه‌ڵن، جگێكیان هه‌ر زۆر ده‌خه‌ون، هه‌میشه ئاژاژك ده‌ده‌ن.
هه‌ندێ له كتێبه‌كان یه‌كه‌م ده‌بن و خه‌ڵات وه‌رده‌گرن، بڕێكیان ڕه‌تده‌كرێنه‌وه و هه‌ندێكیش تازه ده‌بنه‌وه.
هه‌ندێ له كتێبه‌كان قۆپییه ده‌كه‌ن، جگێكیشی تریشیان دزی.
هه‌ندێ كتێب ڕێزی دایه و بابه‌ی خۆیان ده‌گرن، هه‌ندێكی تریان ته‌نانه‌ت ناویشیان ناهێنن.
هه‌ندێ له كتێبه‌كان هه‌رچییه‌كیان هه‌یه له خه‌ڵكی تریان دزیوه، هه‌ندێكیشیان چییان هه‌س ده‌یبه‌خشن به خه‌ڵكی.
هه‌ندێ له كتێبه‌كان هه‌رزانن و هه‌ندێكیشیان ته‌نانه‌ت ده‌رۆزه ده‌كه‌ن.
هه‌ندێ له كتێبه‌كان زۆربڵێن، كه‌چی قسه‌یه‌كی ڕێكوپێكیان بۆ وتن پێنییه، جگێكی تریان بێده‌نگ و له‌سه‌رخۆن و كه‌چی یه‌ك دنیا قسه‌یان له دڵدایه.
هه‌ندێ له كتێبه‌كان نه‌خۆشن، بڕێكیان تایان لێدێت و وڕێنه ده‌كه‌ن.
هه‌ندێ له كتێبه‌كان پێویسته ببردرێن بۆ نه‌خۆشخانه.
هه‌ندێ له كتێبه‌كان مناڵانه‌ن و به ساده‌یی گوزارشته‌كانیان ده‌رده‌بڕن.
هه‌ندێ له كتێبه‌كان هه‌ر قسه‌ی زل ده‌كه‌ن و، ئامۆژگاری فرێده‌ده‌ن.
هه‌ندێ له كتێبه‌كان دووانه و بگره (چه‌ندانه)ن.
هه‌ندێ له كتێبه‌كان به‌رله‌وه‌ی له دایك بن ده‌مرن، هه‌ندێكیشیان تا هه‌تایه به زیندوویی ده‌مێننه‌وه.
هه‌ندێ له كتێبه‌كان سپیپێستن، جگێكیان ڕه‌شپێستن و هه‌ندێكیشیان زه‌رد یا سور پێست.
هه‌ندێ له كتێبه‌كان به ڕه‌نگی پێستی خۆیاندا ده‌نازن و به ڕه‌نگی ئه‌وانیتر گاڵته ده‌كه‌ن.
free discount prescription card
factus.dk pfizer coupons for viagra
viagra coupons printable
click viagra savings and coupons
champix gravid
go champix alkohol
augmentin et soleil
read augmentin
buscopan vidal
link buscopan medicament