سەرەتا ئیدانەی ئەو بڕیاره ستەمكارانە دژ بە سەرۆكێكی هەڵبژێردراوی ناوچەكەمان دەكەم .

پرسەو سەرەخۆشی لەگەلی میسر دەكەم بۆ ئەو ئاستە ترسناك و ئابڕوبەرو داڕوخاوەی دەسەڵاتی دادوەری ئەو وڵاتە گەیشتویەتی یە .

پێشم وایە دوو سیناریۆش بۆ ئایندەی ئەم كەیسە لە ئارادایە :

1) بەكارهێنانی بڕیارەكە و چەند بڕیاری تر وەك كارتێكی فشاری سیاسی بەرامبەر (اخوان) بە مەبەستی سازشكردنیان و دەستبەرداربوونی ڕێپێوانەكان و ڕەوایەتی دان بە كودەتاو ڕازیبوون بە ژیان لە پەراوێزی ژیانی سیاسی .

2) گەر (اخوان) ئەو ئامادەگی یەی نەبوو سیناریۆی دووەم بریتییە لە پەسەند كردنی بڕیارەكە لەلایەن مفتی و دادگای تێهەڵچونەوە و لە سێدارەدانی مورسی و هەندێ لەسەركردەكانی (اخوان) بە حوكمی ئەوەی ڕەمزی ئەو شەرعیەتە دیموكراسیە سەربڕاوەن كە بەناویەوە خەبات دەكەن و شەقام جۆش دەدەن .

بۆ بەرەنجامەكەش چاوەڕێ دەكەم :

1) وەك دەوڵەت جگە لە توركیا و هەندێ دەوڵەتی كەم كاردانەوەكە گەورە نەبێت .

2) بەگشتی ڕێكخراوەكانی مافەكانی مرۆڤ و لایەنگری ئازادی و دیموكراسی ئیدانەی دەكەن و داوای هەڵوەشاندنەوەی دەكەن و ڕەخنەی توند لە دادگای میسری دەگرن .

3) تەوژمێكی نوێ ی شۆڕشگێڕی و توڕەییەكی زۆرتری (اخوان) و شۆڕشگێڕانی میسر بە دوای خۆیدا بێنێ و درێژەدانی (اخوان) بە ناڕەزایی و خەبات دژی كودەتاو سازش نەكردنیان .

ئەم جۆرە بڕیارو ڕەفتارانەش گەرچی بەڕواڵەت دەچێتە خزمەت زیاتر شوێنپێ قایمكردنی دەسەڵاتی سەربازیی بەڕواڵەت مەدەنی ئێیتای میسر، بەڵام لە ڕاستیدا هێندەی تر لە هەر ڕەواتیەك دایدەڕنێ و كلۆرتری دەكات و تەمەنی كورتر دەكاتەوە و لە لەحزەیەكی مێژویشدا شەپۆلێكی نوێ ی شۆڕشگێڕی بەرفراوانتر لە ئێستای شەقامی میسری سەرهەڵدەدات و ئەمجارەشیان شۆڕش سەردەكەوێت . چاوەڕێش دەكەرێت دەزگای هەواڵگیری ئەو وڵاتە بۆ ڕەوایەتیدان بەم بڕیارە قەرەقوشیانە دەست بۆ هەندێ كاری وەكو ترۆر كردنی هەندێ دادوەرو تەقینەوەی جۆراوجۆرببات .