بۆ ئەو گەنجێن دچنە زانکۆیێ
نڤیسین: قانع خورشید - بە بادینی کردنی : ئەیاز عبدالله مزورى
بەشی یەکەم ......
تویێ ل بەر قوناغەکا نوى دا ..
قوناغا زانکویێ، پەیمانگەه، قوناغا پشتى شەشێ هەر ل دویڤ قوناغێن خاندنێ، یا دیارە گاڤەکا نووى یە، یان قوناغەکا نووى یە دژیانا مروڤى دا وبەشەکێ گرنگە د ژیێ مروڤى دا .
ئەگەر ژى ب خانیەکێ مەزن بزانین وپێنج شەش ژور تێدا هەبن، ئێک ژ ژورێن سەرەکى ئەو چار پێنج سالن ئەوێن مروڤ ل زانکویێ د بەتەسەر، دەمێ تو دچیە زانکویێ ل هەژدە سالیێ یێ بورى، ئانکو ڤێجا تو نەد قوناغا سنێلەیێ داى، ونەیێ کاڵ کێم ئەزموونى، وهێشتا وەلتەنەهاتیە پیر وبێ تاقەت بى ول ژیانێ بێزاربى.. تو یێ دناڤبەرا هەردوکان دا، کو ناسکترین بەشێ ژیێ تەیە، مروڤ دڤێ قوناغێ دا هەم ئومێد یاهەى وهەم یێ چاڵاکە وگەلەک یێ ب لڤینە، هەم هێز یا تێدا، وهەم تشتا ژى وەردگریت، هێشتا مێشکێ وى پڕنەبوویە ژ زانیارێت خراب وب سەرچووى، هەتا کو میمورێ وى تەژى بیت، ودەمێ پێتڤى ب تشتەکى هەبیت تشتەکێ دى ژێ ببەت، جهێ هزارەها گیگابایتا ب ڤاڵایى دمێشکێ وى دا یێن ماین، چەوا هەتا مروڤ پیر دبیت، خانێت مێشکێ وى پیچ دبن وبکێر چ ناهێن .
گرنگترین ئەرک ...
لاوێ خوینگەرم! هەگەر تو چویە زانکویێ تشتەکێ نووى دهێتە دژیانا تەدا، گرنگترین ئەرکێ تە ئەوە یێ کۆرە نەبى، و ل خو نەهێیە گوهرین (ئێکسەر نەهێیە گوهرین)، چونکى هەگەر مروڤ نەشەهرەزایانە سەرەدەریێ دگەل هەر تشتەکى بکەت، ل دویڤدا دێ پەشێمان بیت .
ئەى لاوان دەمێ هین دەستپێکێ دچنە زانکویێ، دێ بێژنە هەوە قاز! قازا دروستى ئەوە کو ل وێستگەهێ ژیێ خو پەندا وەرنەگریت، هندەک کەسێت هوسا هەنە خاندنێ تەمام دکەت وهێشتا هەر قازە، کەسێ هەى ژى هێشتا نەچویە زانکویێ قوناغا قازیێ یا تێپەراندى، راستتر بێژم: هەرنەدیتى یە ونابینیت، چونکى یێ ئاقلە و ب خو فام دکەت وتێدگەهیت .
ئەوێ کرێت ئەوە: هندەک کەسێت هوسا یێت هەین دەمێ دچیتە زانکویێ ب رەنگەکێ سەیر هزر دکەت، وەکى بێژى ئەو ئێکەمین ودوماهیک کەسە ئەڤى جهى دبینیت، نە بەرى ئەڤى کەسى کەسێ ئەڤ جهە دیتیە ونە ل دویڤ وى دا کەس دبینیت، ل مال دچیت، مرۆڤەکێ هەژار وبەرێز ورێکوپێک، ول وى سەرى دهێتە ڤە یێ بویە دەعبەیەکێ دى، نە سەرێ وى... نە وێنێ وى.. نە ئاخڤتنا وى... نە زمانێ وى.. نە بیروباوەرێن وى... تشتەک وەکى خو نەمایە .
د راستى دا جهێ حێبەتیێ یە، کا چەوا ئاڤاهیێ زانکۆیێ چ ژ ئاڤاهیێ قوتابخانا بنەڕەتى وئامادەییا پێشکەفتى تر نینە، هەر تشتەکێ دوى شێوەیى دایە وهندەک ماموستایێن نووى، کو هندک ژ وان زانینا ماموستایێن خاندنا ناوەندیێ وئامادەیێ ل دەڤ نینە، وڕێبازا وى هەر وەکى ڕێبازا قوتابخانێ یە، بەلکى خرابتر، چەوا ڕێبازا قوتابخانێ پەرتوکە ولژنەکێ یا خو پێڤە وەستاندى، ل وێرێ ماموستایەکێ دەست بەتاڵ دوو سێ ئاخڤتنا دکەت، ودێ بێژیت بو خو بکەنە مەلزەمە، ب گەلەکى یا هوسایە، نەک هەمى، ڤێجا ئەز نزانم ئەو خوگوهڕین ول خو حێبەتگرتیبونە چییە مروڤەک هوسا لێ بێت ب رەنگەکێ جیاواز بەرێ خو ب دەتە خۆ .
ئەڤ گەنجێ ل خو هاتیە گوهرین وەکى ئەوێن خو ب روشەمبیرزانین دهێنەبەرچاڤێن من کو دچنە فەرەنسا وئەڵمانیا وئەمریکا، دەمێ دهێنەڤە تف ل خو وباب وباپیرێن خو ورابردوو وکەلتور وهەر تشتەکێ خۆ... دکەن، ئەز نزانم ئەوان چ ل وێرێ دیتى یە کو هوسا یێ سەیر بو، تشتەکێ هوسا ئەوان ل نشتیمانێ خو نەبیت، ئەم نمونا(د.عەلى شەریعەتى) و (سەید قوتب)ى وکومەک ژ ڤان مە یێت هەین، کو دچنە دەرڤە، دبنە دیندار، فەرهاد شاکەلى ل ڤێرە دچیت یێ بێ باوەر ل وێرێَ دبیتە سوفى! (سەید قوتب) دەمێ ل مسرێ بو گەشتەکا زانستى دچیتە ئەمریکا، دیندارەکێ سادە بوو وئینتمایا ئیسلامى نەبوو، بەلێ دەمێ ل ئەمریکا دزڤریت دچیتە د رێزێن (ئیخوان موسلمین)دا .
)د.عەلى شەریعەتى) دچیتە فەرەنسا ودگەل (سارتەر) ودگەل فەیلەسوفێن مەزن دا دروینیت و دگەل وان دئاخڤیت، دەمێ دهێتە ئیرانێ دبیتە چاکسازەکێ ئیسلامى، بێزا وى ل ژیارا ڕۆژئاڤایێ دهێت، بێزاوى ل رێبازا ئیستعمار وئیستحمارى دهێت، هەروەسا ل وان موستەعمەمەر وموستەحمەرا ژى کو بوینە داگیرکەر ودارودەستێ ڕۆژئاڤاى یا .
ل بەرامبەر کومەک (ناڤ بوش) یێن هەین کو دچن ودهێنەڤە، بێزا وان ل خودێ.. پێغەمبەر.. وبەها، ڕەوشتا.. دهێت .
ل زانکۆیێ ژى هین وەکى ئەڤان دبینن، ب ئیسلامى دچیت، ودهێتە ڤە نڤێژێ ب ترانە دبینیت! یا خوش ئەوە ل پشتى تەمام کرنا هەر چوار ساڵێن زانکۆیێ، د زڤریتە ڤە ل مزگەڤتێ ملێ خۆ لێ پەیت دکەن وشەرم ژى ناکەت !
ڕاستیا وێ ئەز نزانم ئەو کەسێن زى ب زى بوچوونێت خو د گوهڕن وتف دکەنە دوهى یا خو، ئەو چنە وخو ب چ دزانن بەلێ ئەوا ئەز دزانم، هەر چ بن، د ژیر نینن وعەقلێ وان کارى ناکەت .
ئەڤە ڕامانا وێ نینە هەکە چوویە زانکۆیێ، پێشتر یێ چەوا بى هەر وەسابمینى، بو نموونە بەرى وێ قوناغێ گەلەک جارا ل کولانێ وتاخى دا ب شەروالەکێ کوردى یێ کەڤن دگەریا، یان جلکەکێ ئاسایى ل بەرتەبویە چ جارا قەمیسێ خو ئوتى نەکریە، دەمێ تو چوویە زانکۆیێ ژى، ب وێ چەندێ کو من دژیانا خو دا چ جارا قەمیسێ خو ئوتى نەکریە، بێژى ب خودێ عەیبە قەمیسى ئوتى بکەم! ئەڤە دێ بیتە دەردێ مەلا نەسرەدین ل وى دەمێ گوتى: زەلام ئەو زەلامە یێ ژ ئاخڤتنا خو پەشیمان نەبیت، دەه ساڵ ل سەر ژیێ وى بورین هەر دگوت ژیێ من چل وشەش ساڵە! نابیت تو ب ڤى ڕەنگى، هوسا بزانى گوهڕین ب هەمى ڕەنگەکى عەیبە، گوهڕین ئەگەر بزاڤەکا سیاسى یان بزاڤەکا فکرى یان جڤاکى بیت، ئەگەر مەرەمەکا باش ل پشت بیت، ل خرابیێ بو باشیێ بیت چ عەیب تێدا نینە .
بو نمونە تو دزاروکینیێدا تێلەکێ د کەیە سەیارکە ودناڤ کوڵانادا یاریێ پێَ دکەى، پاشى کو تو بالغ بووى ئێک دوو خەونێن گەنجانە ژى دبینی (!)، ئەگەر هەر بێژى ب خودێ ئەز هەر وەکى جارا مە، ژنێ بینم وڕهێت خو ژى ب تراشم هەر ب سەیارکەکا تێلێ دێ یارایا کەم! ئەڤە دێ بیتە عەیب وب دامەزراندن ناهێتە هەژمارتن .
گوهڕینا سروشتى، دەمێ ب سەر مروڤى دا دهێت، نیشانا ساخبونا خوادنێ وێ یە، نوکە هەکەر بێژییە هندەک ژ هەوە گەنجا "ژنێ بینە" دێ شەرم کەن، بەلێ چوار پێنج سالێن دى ئەگەر ب فەرمى نەئینن دێ شەرى فرۆشن! بەلێ ب گشتى تو ل ژیێ دوازدە سێزدە وچواردە سالیێ هەتا شازدە سالیێ ژى، ئەگەر بێژنە تە: دێ ژنێ ئینى؟ دێ بێژى نە بخودێ، دەه ساڵێن دى... کەسێ هوسا یێ هەى دێ بێژیت: چ جارا ژنێ نائینم! پشتى کو ب گەهیتە نێزیک بیست وبیستوئێک ودوو سالیێ ئێدى دێ نیزە نیزا وى دەستپێکەت و...کاودانەکێ سروشتى یە دڤێت بینى وهەوە زاروک هەبن، ئەڤە سونەتێن ژیانێ نە .
ژ بەر ئەڤێ ئەم تێبگەهین دناڤبەرا ئەڤێ دینبوونێ وخوگوهرینێ ووێ هشک بوونێ ومانەڤێ، سنورەکێ ناڤنجى یێ هەى، پاراستنا وى سنورى یا پێتڤى یە، مروڤێ ژیر گەلەک پێتڤى ب درێژکرنا ڤێ مەسەلێ نینە، ئەڤ مەسەلە دبیت یاگرنگ بیت بزانن .
قوناغا زانکۆیێ ب پیتەترین قوناغا تەمەنى یە، ژدەست نەدە !
ئەى گەنجێ ئەزیز!ئێکا دى ژ وان خالێت پێتڤى یە بزانى، گرنگیا ڤان ساڵێن ژییە کو یێ ل پێشیا تە، خو ئامادەکرنا ڤێ قوناغا ژى بۆ فێربوونێ، خواندن، خواندنەڤە، پەیداکرنا هەڤاڵێن باش، ئەڤە هەمى دچنە دئێک بازنە دا: (چنینا ب بەرەکەت وباشیا ڤى بەشێ ژی)، ئەڤ قوناغا ژیێ تە، ئەو چار هەتا شەش سالێن ژیێ تە، ب شێوەیەکێ ڕەنگین بکە، کو مفایەکێ هوسا ژێ ببینى، ل دویڤدا، ل هەمى ژیانا تە دا شینوارێت وێ دیار بن .
مرۆڤ ب سروشت زى ب زى د زڤریتە یا ڕابوورى، سۆز بۆ ڕابورى هێڤێنێ ژیانا گەلەک ژ مەیە، گەلەک ژ مە هندى دخەیالا ڕابوورى دا دژین، هند ئومێدا داهاتى بو درێژەدان ب ژیانێ مە پاڵنادەت... دێ ئەزیزێ من! کارەکى نەکە دەمێ _ل پشتى زانکۆیێ_ دەمێ بەرێ خو ددیە دەمێن زانکۆیێ شەرم بکەى وهەست ب شەرمەزاریێ بکەى، وەسا ڕەفتارێ بکە، سوباهى، دەمێ ب خەیال بو ڤان ڕۆژێن خو بزڤرى، تە هند گول تێدا چاندبن، دەست خوشیا ل خو بکەى، تە کەیف ب خو بێت وخوزیکا ب ڤان ڕۆژا بخازى .
کو پشتراستى سوباهى _هەردی گوتەنى_" ب حێبەتى ل سەر گوپیتکا بلنداهیا پیراتیێ ڕادوەستى، وشەریتا ژیێ ڕابوورى وەکى خەونەکێ دێ هێتە پێش چاڤێن تە" بزاڤێ بکە شەریتا تە هەمى بیرهاتنێت بێ ئومێدیێ نەبن، بەلکى ڤان ڕۆژێت زانکۆیێ بکە کڤانا گەرمکرنا شەڤ وڕۆژێن ساڕ یێن داهاتی ...
هەردەم هزرێ ل داخازا پیرە عارفێ ئاخڤتن شرین (محوى)یێ رەحمەتى بکە وکارى پێ بکە، کو دبێژیت :
برا ! فکر چرا یەکە، کبریتا دەلیڤێ هەتا ل دەستێ تە دایە، شەڤا یەلدا یا ل پێشیا تە، ڕۆژا ژیێ تە وەختە ئاڤابیت نەکو سوباهی (یا لیتنی قدمت لحیتی) ویردێ سەر زمانێ تە بیت، ئاخ چەندا نەخوشە ڕویێ خو نەدەیە قوتابیێن خو، بو زاروکێن خو بەحسێ ڕۆژێن ژیانا خو یا ڕابوورى بکەى! چما کەسەک د جەنگى دا چ سەروەریا تۆمار نەکەت، دێ شێت ل دەمێ سەروەریا وەلاتێ خو دا بەحسێ زیرەکیا خو بکەت؟ گەلەکن یێن نەوێرن بو دەمەکى ژى بەرێ خو بدەنە ڕۆژێن ژیانا خو یا بورى، هشیاربى تو ژ وان نەبى .
ت: بەشی دووەم، لە ٦/١٢/٢٠١٦، لە سایتی هاوسانییەوە بڵاودەکرێتەوە.
naltrexone canada
site naltrexone clinic