فرمێسک ڕازێکە
بزە ڕازێکە
ئیشق ڕازێکە
فرمێسکی ئەوێ شەوێ بزەی ئیشقم بوو.
حەکایەت نیم تا بمگێڕیەوە
ستران نیم تا بمچڕی
دەنگ نیم تا بمژنەفی
یا شتێکی وەها کە بیبینی
یا شتێکی وەها کە بیزانی
ئەز دەردی هاوبەشم
هاوارم بکە!
درەخت لەگەڵ دارستاندا دەپەیڤێت
گژوگیا لەگەڵ سارادا
ئەستێرە لێل کاکێشاندا و
منیش لەتەک تۆ،
نێوتم پێ بڵێ
دەستانتم پێ بدە
گفتتم پێ بڵێ
دڵتم پێ بسپێرە
من پەیم بە ڕیشەت بردووە.
بە لێوەکانت، بۆ سەرپاکی لێوەکان دواوم،
دەستانت بە دەستانی من ئاشنان.
لە خەڵوەتی ڕووناکدا
لەبەر یادی زیندووان،
پێکڤە گریاوین.
لە گۆڕستانی تاریکدا بەیەکەوە
جوانترین سروودەکانمان چڕیون،
چون مردووانی ئەم ساڵە؛
ئەویندارترینی زیندووان بوون.
دستانتم پێ بدە
دەستانی تۆ بە من ئاشنان.
ئەی درەنگ پەیدا بوو، دەگەڵ تۆ قسان دەکەم!
هەر وەک هەور لەگەڵ ڕەشەبادا
چەشنی گژوگیا لەگەڵ سارادا
مینا باران لەگەڵ دەریادا
وەکوو باڵندە لەتەک بەهاردا
بەوێنەی درەخت کە لەگەڵ دارستاندا دەپەیڤێت
چونکە من پەیم بە ڕیشەت بردووە،
چون دەنگی من
 لەگەڵ دەنگی تۆدا ئاشنان.